Пет лица повредени во сообраќајка кај месноста Стамерски Преод, Делчевско, сообраќајот во прекин

Поради сообраќајна несреќа во близина на месноста Стамерски Преод, во прекин е сообраќајот на патот Делчево - Пехчево - Берово. Според првични информации, во несреќата учествувале три возила, а на местото на настанот излегле Итна медицинска помош и екипа на ТППЕ Делчево, при што од страна на медицинскиот тим констатирани се повреди кај пет лица.

- Имаме донесено пет повредени лица, по првичните прегледи тројца се во добра состојба, додека двајца од повредените ќе бидат препратени во блиските болници во соседните градови за доутврдување на повредите, истакнаа од Итната медицинска помош.

На местото на настанот се и екипи на делчевската полиција кои вршат увид. Повеќе информации за причините на несреќата најавија во текот на денот. Алтернативен патен правец за сите кои сообраќаат кон Пехчево и Берово е стариот пат преку с.Тработивипте.