Песов: Украина продолжува да ги одбива преговорите со Русија

Портпаролот на Кремљ, Дмитриј Песков денеска изјави дека Украина продолжува да ги одбива преговорите со Русија, додека Москва и натаму е подготвена да ги продолжи преговорите врз основа на договорот од Истанбул од 2022 година.

Песков посочи дека е премногу рано да се зборува за распоредување мировни сили во Украина, што го пренесоа некои медиуми.

„Знаете дека засега украинската страна одбива какви било преговори. Всушност, самиот претседател (Володимир) Зеленски ги забрани овие преговори со документи“, им рече Песков на новинарите.

Тој потсети на предлогот на Унгарија за размена на затвореници и Божиќното примирје во Украина, што беше поддржано од Москва, но не и од Киев. Посочи дека рускиот претседател Владимир Путин разговарал со унгарскиот премиер Виктор Орбан и дека Путин ги поддржувал мировните напори на Унгарија, додека украинската страна одбила.

Песков потсети дека договорите од Истанбул биле договорени во 2022 година, но дека украинската страна ги напуштила преговорите.