Пендаровски на средба со директорката на Меѓународниот семинар за македонски јазик, литература и култура
Претседателот Стево Пендаровски денеска ја прими проф. д-р Весна Мојсова-Чепишевска, директорка на Меѓународниот семинар за македонски јазик, литература и култура при Универзитетот „Св. Кирил и Методиј“ – Скопје, која го информираше за подготовките за одржување на 54. Летна школа на Семинарот.
Школата традиционално секоја година се одржува во Охрид, со исклучок на минатата година кога, поради пандемијата на Ковид-19, се одржа виртуелно.
-Ако дозволат условите годинава, како што истакна Мојсова-Чепишевска, Школата ќе се одржи во втората половина на август со учество на македонисти од целиот свет. Претседателот Пендаровски ја истакна важноста на Меѓународниот семинар во проучувањето и изучувањето на македонскиот јазик и неговата афирмација во светот, преку постојните лекторати и центри за изучување на македонскиот јазик во десетина универзитети во светот, соопшти Кабинетот на Пендаровски.
На средбата се разговараше и за тековната реализација на активностите во рамки на манифестацијата „2021-Година во чест на Блаже Конески“, како и за идејата за отворање лекторат по македонски јазик на Универзитетот во Анкара.
Ново на Сител
-
Од понеделник благо опаѓање на температурите и краткотрајни поројни врнежи
-
Град Скопје: Немаме надлежност за дератизација или постапување во случаи со змии, други влекачи или глодари
-
Со над 20 тони вода дејствувано врз пожар во Кичевско
-
Загина 30 годишна Македонка во сообраќајна несреќа Солун, повредени уште три лица | ВИДЕО
-
Цистерна се извртела на автопатот Градско - Велес, сообраќајот пренасочен по стариот пат
-
Жител на Општина Студеничани му се заканувал на својот сосед со гасен пиштол и стрелал во воздух
-
Без струја Тирана и повеќе други градови во Албанија
-
Борел: Европа не е целосна без Западен Балкан