Пендаровски: Мисијата на волонтерите претставува ретка појава во светот, останете ангажирани и делувајте онаму каде што е најпотребно
Во животот секогаш најмногу не инспирираат поединците кои прават нешто добро, а без никаков надомест. Доброволно, искрено, посветено и чесно, мотивирани единствено од желбата да се помогне некому во неволја, да се понуди утеха, да им се служи на другите луѓе и на заедницата на која припаѓаат, е пораката од претседателот на државата Стево Пендаровски, по повод 5 декември – Светски ден на волонтерството.
Во видео-порака Пендаровски нагласи дека кога милиони луѓе секојдневно се во постојана трка по материјални богатства и моќ, не гледајќи ги тие кои страдаат, мисијата на волонтерите претставува ретка појава во светот.
Претседателот се заблагодари за напорите што волонтерите ги вложуваат и помагаат во придонес за општото добро.
-Дозволете ми, во името на сите наши граѓани да искажам огромна благодарност и почит за вашата пожртвуваност, вашата одговорност и посветеност, вели тој во видео-пораката.
Претседателот ги охрабри и натаму да останат ангажирани и да делуваат онаму каде што е најпотребно и преку личен пример да ја вратат вербата во хуманоста и солидарноста како предуслови за една среќна и просперитетна човечка заедница.
Ново на Сител
-
Велика сабота - ден пред Велигден
-
Тема на денот со Христијан Мицкоски, претседател на ВМРО-ДПМНЕ
-
Велика сабота - ден пред Велигден
-
Македонија одбележува 121 година од смртта на Гоце Делчев
-
Велика сабота - ден пред Велигден
-
Димитар Апасиев за изборната програма и ветувањата на Левица
-
Велигденската трпеза годинава поскапа од лани
-
Охрид полн со гости