Пејачката Јелена Марјановиќ ја убил сопругот
Зоран Марјановиќ, сопругот на убиената српска пејачка Јелена Марјановиќ, денеска е прогласен за виновен за нејзината смрт.
Како што пишуваат медиумите во Белград, тој е осуден на 40 години затвор, а веднаш му е одреден притвор.
„Обвинителството докажа дека обвинетиот Зоран Марјановиќ во моментот на извршување на делото постапил во разумна состојба и дека делото го сторил со директна умисла, бидејќи бил свесен што прави кога на оштетената и задал осум рани по главата, со осум удари со метален предмет, што во моментот на нанесувањето во целост претставувало безусловна смртоносна повреда, што и сакал“, се вели во соопштението од обвинителството.
На почетокот на судењето во ноември 2019 година, Марјановиќ детално ја презентираше својата одбрана, негирајќи дека ја убил сопругата, но одби да одговори на прашањата на обвинителството.
Обвинителството го обвини дека на 2 април 2016 година ја убил сопругата Јелена на насипот во Борча, додека нивната малолетна ќерка, која тоа попладне дошла со нив на насипот Црвенка, била во непосредна близина на местото на злосторството. Тој од 12 јуни 2018 година се бранеше од слобода, откако Апелациониот суд му го укина притворот во кој беше задржан 10 месеци. Тој беше уапсен на 15 септември 2017 година, година и пол по убиството.
И пред тоа беше приведен, но откако беше сослушан во полиција и на полиграф, поради недостиг на докази беше пуштен на слобода.
Ново на Сител
-
Американската компанија „Вабтек“ нова странска инвестиција во земјава
-
Кривични пријави за пет лица за „злоупотреба на службената положба“ и две лица за „несовесно работење во службата“
-
Кога бев најпопуларна бев најтажна | Сузана Гавазова | Sitel Podcast 051
-
Локализиран голем пожар на територија на општина Прилеп
-
Прекин на сообраќајот на автопатот Прилеп – Битола порди сообраќајка
-
Изречени казни од над 350.000 евра за неправилности на плажи во Грција
-
Филков - Гир: Спроведувањето на реформската агенда приоритет на државата
-
Израелската војска ги повика Палестинците да се евакуираат од неколку населби на градот Газа