Павле Богоевски си поднесе оставка од пратеничката функција

Пратеникот Павле Богоевски денеска понесе оставка од функцијата за време на комисиската расправа за одземање на мандатот на поранешниот премиер Никола Груевски. Богоевски порача дека донел таква долука, бидејќи го почитува гласот на јавноста.

„Гласот на јавноста е погласен од се друго и тој ме донесе на оваа позиција, бидејќи јавноста смета дека сум се огрешил и постапил неетички при набавката на маслото од канабис, поднесувам оставка“, рече Богоевски.

Оставката на Богоевски ќе стапи на сила по собраниска седница на која ќе се расправа и за барањето за одземање на мандатот на Груевски.