Пауза во Собранието за координација на пратениците
Пратениците во Собранието на Македонија попладнево на продолжението на 32. седница изгласаа повеќе точки од дневниот ред. По гласањето, претседателот на законодавниот дом Талат Џафери објави пауза од половина час за кооринација на пратерниците за понатамошната работа на Парламентот.
Претходно, Џафери ја прескокна точката за законот за јазиците со која требаше да почне денешното продолжение на седницата.
Пратеникот Драган Данев од ВМРО-ДПМНЕ во процедурална забелешка истакна дека била направана грешка во редоследот на гласањето на точките 26 и 27 и побара стенограмски белешки.
Џафери одговори дека нема грешка по точка 26, бидејќи констатирал дека не се создадени услови за гласање и не се гласало по неа.
Пратениците во попладневната сесија гласаа по повеќе точки за кои расправата беше претходно завршена и донесоа десетина одлуки и годишни планови за државни органи и институции, меѓу кои за Регулаторната комисија за енергетика на Република Македонија, Македонската радио телевизија, Агенцијата за поши, Агенцијата за супервизија на капитално финансирано пензиско осигурување и Агенцијата за цивилно воздухопловство.
Собранието ги усвои и одлука за давање согласност на Статутарна одлука за изменување и дополнување на статутот на Универзитетот за информатички науки и технологии „Свети Апостол Павле“ - Охрид и годишниот извештај за работата на Судскиот совет на Република Македонија за 2016 година.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово