Патник ја снимил сопствената смрт во авионската несреќа во која загинаа 72 лица во Непал | ВИДЕО

72 лица од кои четворица членови на екипажот загинаа во авионската несреќа што се случи вчера во Непал.

Патничкиот авион АТР 72 се урна во неделата меѓу стариот и новиот аеродром Похара во Непал. Причините за авионската несреќа се истражуваат. Руската амбасада во Непал соопшти и потврди дека во авионот имало и четворица државјани на Руската Федерација.

На социјалните мрежи се појави видео од патник непосредно пред несреќата. На него се гледа со останатите патници, а потоа и авионската несреќа и големиот пожар кој настанал по експлозијата. Премиерот на Непал, Пушпа Камал Дахал, денеска свика итен состанок на владата во врска со тешката авионска несреќа.