Парламентарни избори на Хаити
На Хаити денеска ќе се одржат парламентарни избори на кои право на глас имаат речиси шест милиони жители на оваа карибска држава, јави ТАСС.
Во трката за 20 сенатори и 119 пратеници се 1.853 кандидати од сто политички партии.
Анкетите на јавното мислење покажуваат дека одѕивот на гласачите на овие избори ќе биде околу 15 проценти, што се објаснува со незадоволството на населението од сиромаштијата, големата невработеност и финансиската нестабилност, но и со зголеменото насилство за време на кусата предизботна кампања и со преголемиот број кандидати.
Во последниве три години Хаити беше без Парламент по истекот на мандатот на претходниот парламентарен состав, бидејќи Владата не беше во состојба да организира избори.
Според анкетите, се очекува најмногу гласови на денешните избори да освои опозициската партија Единство.
Ново на Сител
-
Ограбено тетовско казино, уапсени две лица
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна
-
Барселона го одврати Чави од заминување, нов договор до 2025-та
-
Уште еден гигант тргнува по ѕвездата на Манчестер Сити
-
Петмина тинејџери обвинети за тероризам по прободувањето со нож во црквата во Сиднеј
-
ИДФ за снимката на заложникот објавена од Хамас: Ова е итен повик за акција