Панатинаикос со најголема, Ефес со најмала посетеност во Евролигата

 Кошаркарите на Панатинаикос ја имаат најголемата поддршка од своите навивачи во Евролигата. 

 

Како што објавија од седиштето на ова елитно кошаркарско натпреварување, тимот на Панатинаикос ја има најголемата посетеност во изминатите девет коло во Евролигата. 

 

Со просечна посетеност од 12.029 гледачи по меч или 63,4% потполнетост на капацитетот на ОАКА арената, атинскиот тим е на врвот на најдобро посетените клубови во досегашниот тек од сезоната.  Зад грчкиот тим е литванскиот Жалгирис со просечна посетеност од 11.516 гледачи по меч или 74% од капацитетот, по што следува актуелниот шампион Фенербахче со просек од 11.382 гледачи односно 87,2%.

 

Најмал број на навивачи во просек на домашните средби имаат Барселона (5.356 или 70,6%) и рускиот тим Химки (5.634 или 70,4%), додека убедливо најслабо исполнета сала е онаа на Анадолу Ефес кого во просек го следат 5.671 гледачи или само 35,4% од капацитетот.

 

Затоа пак на дуелите на германскиот шампион Бамберг нема слободно место во „Бросе Арена“, бидејќи истата е исполнета до последно место (100%), а нејзиниот капацитет е 6.474 места.