Палмер: Целта на САД и ЕУ е напредок на Западен Балкан, целта на Русија е несредена состојба
Целта на САД, ЕУ и земјите од регионот е иста – напредок, додека од друга страна, руското влијание повеќе одговара на корупција и несредена состојба, изјави заменик помошниот државен секретар на САД, Метју Палмер, во интервју за Радио Слободна Европа.
Тој оцени дека е време лидерите на Западен Балкан да ја сфатат својата улога и земјите да ги поведат кон просперитет – ЕУ и НАТО.
Според Палмер, политиката на САД и ЕУ за Западен Балкан е единствена, а тоа е, како што вели, „заеднички да им помогнеме на државите на Западен Балкан успешно да го спроведат клучниот сет реформи и промени кои ќе им помогнат на патот кон евроатланските интеграции, што, секако, подразбира зачленување во некои од клучните институции, како ЕУ и НАТО“.
– Нашата визија, но и визијата на ЕУ е иста и многу едноставна – просперитетен и мирен регион кој е во мир со себе, но и со своите соседи, регион кој е добар составен дел на Европа, вели Палмер.
Тој додава дека визијата на САД и ЕУ за овој регион се разликува од визијата на Русија.
– Со цел да се осигураме дека земјите од Западен Балкан навистина можат сами да се спротивстават на ова малигно влијание од надвор, ние мора да се осигураме дека нивните институции ќе бидат функционални, одговорни, транспарентни и дека со нив се управува на добар начин, рече Палмер.
Тој истакна дека Соединетите Американски Држави се посветени на ова и дека работат на постигнување на оваа цел во тесна соработка со сите влади и институции во Западен Балкан.
Ново на Сител
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено