Ова е супер-тимот на ЛШ

Европската фудбалска унија (УЕФА) го избра најдобриот тим во Лигата на шампионите во последните 15 години. Во изборот на УЕФА се наоѓаат фудбалери кои најчесто биле наградувани во изминатата деценија и пол.

 

Овој избор на УЕФА ќе покрене лавина на реакции и коментари, бидејќи меѓу 18-те избрани нема неколку фудбалски величини како Оливер Кан, Паоло Малдини, Рајан Гигс, Раул, Луис Фиго, оригиналниот Роналдо, Андриј Шевченко, Дејвид Бекам, Френк Лампард...

 

Според УЕФА во првите 11 се наоѓаат Икер Касиљас на голманската позиција, потоа во одбраната Филип Лам, Карлес Пујол, Алесандро Неста и Серхио Рамос.

 

Редот за врска го формираат Андрес Иниеста, Чави и Стивен Џерард, а во нападот се Тиери Анри, Лионел Меси и Кристијано Роналдо.

 

Во овој, може да се нарече храбар избор на УЕФА, на клупата се резерви се наоѓаат вистински легенди на светскиот фудбал: Џиџи, Буфон, Џон Тери, Павел Недвед, Зинедин Зидан, Кака, Роналдињо и Златан Ибрахимовиќ.