„Ова е пила за бирократијата“ - Маск доби подарок пила за ''кратење на администрацијата'' | ВИДЕО

Илон Маск, кој го предводи американското Одделение за владина ефикасност (DOGE), зборуваше на конференција во Националното пристаниште во Мериленд, држејќи го подарокот што претходно му го подари аргентинскиот претседател Хавиер Милеј – моторна пила.

„Ова е пила за бирократијата“, рече Маск, кревајќи ја пилата во воздух, пренесе Ројтерс.

На црвената метална пила е изгравирана порака од аргентинскиот лидер на шпански: „Viva la libertad, carajo“ или „Да живее слободата, по ѓаволите“.

Маск предводи значителни кратења во американската влада, што влијае на банкарските работници и десетици илјади други државни службеници.

Американската даночна управа во четвртокот известила 6.000 вработени дека ќе бидат отпуштени.