Отворено писмо на Харадинај до Курти: Не укинувај ја таксата, те молам
Досегашниот премиер на Косово Рамуш Харадинај му се обрати на неговиот наследник на чело на Владата Албин Курти со отворено писмо во кое го моли да не ја укинува таксата од 100 отсто на увозот од Србија и Босна и Херцеговина, јави дописникот на МИА од Приштина.
На почетокот од писмото што го објави на Фејсбук, Харадинај му оддава признание на Курти за пожртвуваноста во минатото и го моли да не го дозволува, како што вели, „пазарот од 400 милиони евра за Србија“, државата која го пикна во затвор, го тепаше и тортурираше.
– Ние може да не се согласуваме за многу работи од дневната политика, но твојата жртва секогаш сум ти ја признавал. Поради таа жртва сакам лично да те замолам да не ја укинуваш таксата кон Србија. Албин, не дозволувај го пазарот од 400 милиони евра за Србија, државата која те тепаше и тортурираше. Државата која со парите на народот на Косово купува оружје во Русија, напиша Харадинај.
Тој бара од Курти „да не ја камуфлира суверената одлука“ на неговата влада за таксата „со магливи термини како што е реципроцитетот“ и му порачува да не се повлекува „за неколку привремени поени“ кои може да ги добие од меѓународната заедница.
– Преиспитај ја одлуката, Албин. Ние можеме да продолжиме да не се согласуваме. Поради тие несогласувања суверенот ја донесе одлуката на 6 октомври, но оваа тема е поголема од една шака гласови. Албин, ние двајцата сме поминале низ тешки патишта. Ние се натпреваруваме и ќе го продолжиме политичкиот натпревар. Не сме стасале дотука како Косово со привремени тактизирања, туку со пожртвуваност и опстојност. Во спротивставувањето на Србија треба да бидеме заедно до меѓусебното признавање, а не да бидеш за некаков „реципроцитет“ без признавање, пишува Харадинај во отвореното писмо.
Курти, кој беше избран на чело на новата косовска Влада минатиот понеделник, на 3 февруари, најави дека спорната такса на српскиот увоз ќе ја замени со, како што вели, „целосен политички, економски и трговски реципроцитет“ кон Србија.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка