Отворен ден на Агенцијата за храна и ветеринарство во Охрид

Агенцијата за храна и ветеринарство на Македонија, денеска во Охрид организира отворен ден за компаниите и граѓаните од охридско-струшкиот регион.

Заинтересираните ќе можат да остварат непосредни средби со претставници од Агенцијата за храна и ветеринарство, да се запознаат со надлежностите и работата на институцијата.

На отворениот ден сите заинтересирани ќе можат да добијат стручна помош во остварувањето на права од областа на безбедноста на храната и храната за животните, здравстевна заштита и благосостојба на животните, како и да постават прашања за темите кои се од нивни интерес, а кои се непосредно поврзани со работата на Агенцијата.