Отворање на изложбата на Ранко Дакиќ – „Егзил“ во МСУ
Изложба на македонскиот уметник Ранко Дакиќ, кој живее и работи во Берлин, Германија, вечер ќе биде отворена во НУ Музеј на современата уметност (МСУ), во Скопје.
Насловена „Егзил“, поставката ќе презентира педесетина негови дела (цртежи, слики и скулптури) работени во последниве триесетина години, односно по неговото заминување од Македонија во 1987 година.
Куратор на изложбата е Златко Теодосиевски, кој е и автор на монографијата.
За творештвото на Ранко Дакиќ (1958, Скопје) се посочува дека не цели да ни открие зачудувачки новости во сликарството или скулптурата, туку да ни го отвори неговиот внатрешен свет, кој може и неочекувано да ни помести некои граници во македонската ликовна уметност.
-Уметноста на Дакиќ не е поводлива и не е подведлива, таа не сака да биде национална, па ни интернационална. Таа цели да биде анационална односно сака да биде само – уметност. Во извесна смисла таа е егзистенцијална. Но не егзистенцијалистичка во философската смисла на зборот, туку како некаков личен творечки одговор на егзистенцијалните дилеми, на разбирањата на уметноста, на истражувањата на личните перцепции на визуелното ама и на личните страсти, ст(р)авови, победи и порази …Уметноста на Дакиќ не признава стил и/или развој. Се’ што уметникот ќе создаде е негов „стил“ и негов „развој“, неговата уметност е тој – лично и персонално – и тој е неговата уметност. Целосно и неотповикливо, се наведува во најавата за изложбата.
Проектот е финансиски поддржан од Министерство за култура.
Ново на Сител
-
Бугарија мора да одговори до 16.12 кога ќе го смени Уставот за да ги признае Македонците
-
Тема на денот со Тони Менкиновски, правен застапник на Македонците од Бугарија
-
РЕХАУ Македонија прослави 25 години успешно работење, отворени вратите на новиот салон во Илинден
-
Уставен го укина застарувањето на долгови, ќе се извршуваат и после 10 години
-
Над 120 инспектори на терен проверуваат дали се почитува одлуката за замрзнати маржи
-
Поднесено обвинение против Бесија Иљази - Исплаќала плата на лица кои не биле работно ангажирани на Токсикологија
-
Возачот на заменик министерот за култура приведен - Вербално нападнал полицајци
-
Таравари смирува по заострената реторика во владината коалиција - СДСМ пак, бара одговорност од Гаши за Законот за бранители