Отварање на гробница во живо: Славниот директор на пирамидите пред камерите го тргна капакот од саркофагот во кои се наоѓаат мумии

Саркофаг на египетскиот свештеник стар повеќе од 2.500 години отворен е за време на емисија во живо која била прикажана на американската емисија Дискавери. 

 

Египтологот кој воедно е и директор на пирамидите  Захи Хаваш и неговиот тим отвориле три запечатени сакрофази. Во еден од нив се наоѓала добро сочувана мумија од моќен свештеник, замотан во лан, со златна статуа од божицата Изида. 

 

Во преостанатите сакрофази тимот пронашол женска мумија украсена со сини перли и татко во семејна гробница.

 

Пронајдокот е откриен во живо на каналот Дискавери  во неделата. Тимот на гробиштата во Мињ исто така пронашол ретка восочна глава. Археолозите го откриле локалитетот пред една и пол година, а ископувањата продолжуваат.

 

 

"Навистина верувам дека овој локалитет треба да се пребарува уште најмалку 50 години", рекол Хаваш ден пред отворањето на саркофагот. Тој очекува на тоа место да бидат откриени уште гробови.

 

 

Хаваш потсетил дека во 1927-ма година на тоа подрачје бил пронајден огромен саркофаг кој бил сместен во Египетскиот музеј во Каиро, но дека локалитетот потоа бил заборавен.

 

Меѓутоа, пред две години, неовластен копач бил забележан на локалитетот, што било знак за археолозите и ископувањето почнало, рекол Хаваш.