Откриени 400 килограми кокаин во Косово пристигнати од пристаништето во Драч
Косовската полиција денеска заплени 400 килограми дрога кокаин во камион натоварен со месо, што пристигнал во градот Липљан, а допатувал во земјата од пристаништето Драч во Албанија, јави дописникот на МИА од Приштина.
Според неофицијални полициски извори на кои се повикуваат косовските медиуми, операцијата за заплена на ова огромно количество дрога, е спроведена во координирана акција на полициите на Италија, Албанија и Косово, а по информации добиени од американската ДЕА.
Според албанската телевизија АБЦ, дрогата спакувана во исти пакети како оние во кои било месото, стасала во Драч од Италија, по што контејнерот во кој се наоѓала бил натоварен на камион со приштински регистерски таблички.
Случајот бил иследуван повеќе од два месеци, а дрогата по потекло од Бразил стасала во албанското пристаниште пред 15 дена и била под постојан надзор на полицијата.
Полицијата го следела движењето на камионот и контејнерот со ГПС и не интервенирала се додека не стасале на нивната конечна дестинација, во Липљан, по што интервенирала косовската полиција.
Се очекува во текот на денот Полицијата на Косово да истапи со повеќе детали околу операцијата.
Ново на Сител
-
МЗ: Хируршките сали во Клиничкиот центар се враќаат во употреба
-
ЦУК: Околу Качаничка Клисура и Скопска Црна Гора значително нестабилна облачна маса
-
Во Кочани измамена 75-годишна жена за сума од околу 4.000 евра
-
Определен 30-дневен притвор за врховниот судија Наке Георгиев
-
Драма на автобуска постојка во Центар: Неколку лица претепале и ограбиле четири малолетници
-
Организациската директорка на Токсикологија тврди дека клиниката има потреба од 18-те спорни вработувања
-
Пуштен во употреба нов патен правец меѓу Албанија и Косово
-
Палевски спроведен пред судија на претходна постапка