Откриена причината за инвазијата на поларни мечки на северот на Русија: Агресивните животни напаѓаат луѓе и влегуваат во куќите
Белите мечки, поради кои е воведена вонредна состојба на архипелагот Нова Земја во Архангелската област во Русија, нема да бидат убивани, туку ќе бидат изведени надвор од гранците на човечките населби.
Претседателот на локалната управа Жиганшу Мусин рече дека во архипелагот ќе отиде работна група од четири експерти. Овие загрозени животни ќе бидат успиени и однесени надвор од населбите.
Во селата од архипелагот Нова Земја останува на сила вонредна состојба поради наезда на бели мечки, додаде Мусин.
“Меѓутоа, успеваме постепено да ги истераме животните“, истакна тој.
„Сега веќе има помалку мечки. Ги бркаме со онаа техника што ја имаме. Веќе не се 50, туку помалку“, објасни тој.
Животните почнаа почесто да се појавуваат во населбите поради топењето на мразот и лошиот однос на локалните служби кон собирањето отпад. Предаторите чувствуваат каде се наоѓаат и копаат по ѓубрето во потрага по храна, соопшти координаторот на проектот за биодиверзитет на Арктикот на Светската фондација за природа Михаил Стишов.
„Тие излегуваат на брегот, каде ги привлекуваат човечките живеалишта, а посебно ако таму не е добро организиран системот за положување на отпад“, истакна тој.
Претходно е соопштено дека на архипелагот е воведена вонредна состојба, зошто во таа област се појавија 52 бели мечки.
Животните биле агресивни, напаѓале луѓе и упаѓале во куќите. Мечките престанале да реагираат на надворешните агенси и се чувствуваат како дома.
Ново на Сител
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО
-
Пожар на грчкиот остров Крит во близина на поморската база Суда, превентивно евакуирани населба, болница и училиште
-
Првите шест авиони „Рафал“ во Хрватска пристигнуваат оваа недела