Откажан настапот на „2 Cellos“ на „Охридско лето“

Дирекцијата на фестивалот „Охридско лето“ заедно со продукцијата „Пасворд“ денеска соопштија дека поради приватни причини е откажан настапот на хрватското дуо „ 2 Cellos “ што требаше да се одржи во рамки на дополнителната програма на фестивалот на 8 август.

Според информациите, концертот ќе биде презакажан за нов термин.

Инаку, од продукцијата „Пасворд“ уште соопштуват дека купените билети може да се вратат од  задутре – 22 јули на продажното место Југотон во ГТЦ во Скопје, додека на сите што купиле билети онлајн, парите ќе им бидат вратени на нивната сметка.