Отчет на ВМРО-ДПМНЕ за сработеното на нејзините градоначалници во сто дена од мандатот

„Промени што носат иднина“ е мотото на целодневниот настан што денеска во објектот на Филхармонијата ќе го организира ВМРО-ДПМНЕ на кој партијата ќе соопшти за сè што  сработиле нејзините градоначалници во првите сто дена од управувањето на општините.

Во рамки на настанот попладне од 17 часот ќе се обрати лидерот на партијата Христијан Мицкоски, а претходно ќе бидат организирани три одделни панел-дискусии на различни теми: „Што наследија општините?“ во 11.30 часот , „Европските практики во локалните самоуправи“ во 13 часот и „Младите и нивната перспектива во општините“ во 14.30 часот.

– Покрај овој настан, во наредниот тринеделен период ќе бидат организирани и шест регионални отчети на територијата на Република Македонија каде поединечно ќе бидат презентирани проектите кои се сработени, информира ВМРО-ДПМНЕ.