Осумгодишно дете се бори за живот: Прегазено кај Радовиш додека возело велосипед

Вчера во 11,45 часот на регионалниот пат Р-29471, во с.Подареш-Радовиш, пред куќата на Т.Н, се случила сообраќајна незгода во која В.Н. (1988) од с.Подареш, управувајќи патничко моторно возило „Форд Галакси“ со времени регистарски ознаки, удрил во велосипед „Хамер макс“ управуван од дете на возраст од 8 години од с.Подареш.

Во незгодата детето се здобило со тешки телесни повреди (фрактура на череп, крварење од десно уво и повреда на десно белодробно крило), и по укажаната лекарска помош е пренесено и задржано на лекување во Ургентниот Центар-Скопје.

Увид на местото на настанот извршиле ЈО и екипа од ПС-Радовиш.