Осумдесет лица беа уапсени пред Конгресот на САД, кој подготвува реформи во здравството
Полицијата уапси вчера 80 демонстранти пред Капитол хил во Вашингтон, каде американските конгресмени ги обвновуваат дебатите во обид да го покренат процесот за реформирање на здравството.
Сенаторите ја обновија вчера работата по еднонеделниот одмор, а членовите на Претставничкиот дом ќе заседаваат денеска за реформите, со кои треба да се измени законот, познат како Обамакер, усвоен во 2010 година за време на владеењето на Барак Обама.
Полицијата соопшти дека уапсила 32 мажи и 48 жени поради недозволени протести.
Претседателот на САД Доналд Трамп инсистира усвојување на реформите, пред конгресмените да одат на одмор во август.
Републиканското мнозинство во Сенатот одби кон крајот на јуни да гласа за реформите поради големата внатрешна неусогласеност. Се додека умереното и ултраконзервативното крило на партијата не можат да постигнат спогодба, нацрт-законот не може да го добие неопходното мнозинство.
Ново на Сител
-
Тема на денот со Димитар Ковачевски, претседател на СДСМ
-
Годишнина од заседата кај Ваксинце
-
Христијаните го празнуваат Велики петок
-
Обичаи и верувања за Велики петок
-
Дали и кој ќе им ги врати парите на граѓаните кои платија поскапо осигурување за регистрација на возилата?
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден