Осум сообраќајки во Скопје, потешко повредени двајца пешаци
Сообраќајната полиција во текот на вчерашниот ден на подрачјето на Скопје изврши увид на вкупно осум сообраќајни несреќи. Со тешки телесни повреди се здобиле двајца пешаци, а со телесни шест лица. Во три сообраќајки е причинета само материјална штета.
Како што информираа за МИА од СВР - Скопје, во текот на изминатиот ден по спроведените контроли над учесниците во сообраќајот од страна на сообраќајната полиција, откриени и санкционирани се поголем број прекршоци.
Санкционирани се десет возачи кои се движеле со брзина поголема од дозволената, двајца возачи поминале на црвено светло на семафор, 10 возачи го управувале возилото без возачка дозвола, односно нерегистрирано, како и седум возачи кои за време на управување на возилото не го користеле сигурносниот појас или го користеле мобилниот телефон.
Затекнати се и 22 непрописно паркирани возила.
Со помош на специјалното возило пајак, во текот вчерашниот ден отстранети се 31 возило кои во поголема мера го попречувале нормалното одвивање како пешачкиот така и моторниот сообраќај.
Во рамките на проектот „Да ги заштитиме децата во сообраќајот“ денеска Одделението за превенција при СВР Скопје ќе реализира едукативни работилници во ООУ „Гоце Делчев“ и во ООУ „Димитар Миладинов“ со учениците од четврто одделение, кои се наоѓаат на подрачјето на општина Центар.
Со почеток во 12:00 часот вработените во МЗТ Леарница АД Скопје ќе одржат протест пред Собранието на РМ, Владата на РМ и пред други објекти во централното градско подрачје. Со цел непречено и безбедно одвивање на овој протест, од сообраќајната полиција ќе бидат превземени мерки за сообраќајно обезбедување и физичко регулирање на сообраќајот.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп