Остатоци од 20 тркалезни згради откриени во праисториска населба на Кипар

Кипарски археолози открија остатоци од 20 тркалезни објекти со дијаметар од 3 до 6 метри, при раскопи во Ајос Тихонас-Климонас во Лимасол, најдревната позната населба на светот, пишува весникот „Сајпрус мејл".

Според Одделот за антика, објектите биле изградени на ритче и поставени спроти морето. Ѕидовите биле направени од почва и зацврстни со дрвени греди. Подовите биле обложени со некаков вид малтер.

Реконструкцијата на зданијата веројатно била честа, што се гледа од слоевите кои се еден врз друг. Тие се распоредени околу централниот кружен објект, голем 10 метри, кој беше откриен при раскопи во 2011- 2012 г. 

Најдените останки од животни пак, покажуваат дека на Кипар во праисторијата, селаните се занимавале со лов. Тоа е најраната пројава на селско-стопански начин на живот во светот досега, додаваат од Одделот.