Остана уште едно коло од ракометниот плеј оф

Со одигрувањето на дуелот меѓу Охрид и Прилеп што заврши со победа на домаќинот Охрид од 30:23 комплетирано беше 9.коло од ракометниот плеј оф од првенството. Натпреварите од последното коло ќе се одиграат утре (31.мај) сите со почеток во 18 часот.

Според распоредот шампионот Вардар ќе гостува кај екипата на Прилеп. Во Струмица кај Макс Струмица (третопласирана на табелата) ќе гостува вториот Металург, додека Во Скопје во СЦ „Форца“ се игра натпреварот Работнички – Охрид.

Табела: Вардар 27 бодови, Металург 21, Макс Струмица 15, Прилеп 12, Охрид 6, Работнички 0.