Свет
21. April 2017 - 14:01

Осомничен нацист изврши напад врз зграда на руското разузнавање во Хабаровск

Две лица се убиени денеска кога маж, за кој се претпоставува дека е член на неонацистичка група, отвори оган во зградата на руската Федерална служба за безбедност (ФСБ) во градот Хабаровск, на Далечниот Исток на Русија.

Како што јави ДПА, при нападот се убиени службеник на разузнавањето и еден посетител во зградата.

Претставник на ФСБ соопшти дека напаѓачот, кој е убиен при инцидентот, е идентификуван како 18-годишно момче.

Нападот се случил во 17 часот по локално време (9 часот по средноевропско време).