Оштетени спомен-бисти на народни херои во Штип
Во општина Штип оштетени се неколку спомен-бисти на народни херои од Втората светска војна.
Портпаролот на општина Штип Драган Ристов изјави дека изминатите денови непознати лица обезглавиле спомен бисти, а исшарани се и дел од спомениците на Исарот.
- Обезглавени се спомен-бистите на Ѓошо Сламков во населбата Три Чешми и на Васил Доганџиски, која е до училиштето „Ванчо Прке“, додека бистата на народниот херој Митко Цецов во Стар Конак е оштетена со црна боја. За жал, ова не е првпат вака да бидат уништени бистите на народните херои. Овој чин е за секаква осуда. Нема иднина без почитување на минатото, посебно на оние кои го дале својот живот за слободата на оваа земја, рече Ристов. Изрази надеж дека сторителите ќе бидат откриени и оти во иднина нема да се случуваат вакви вандалски чинови.
Доколку комуналните редари ги фатат сторителите на ваков вандалски чин на местото, во тој случај сторителот треба да плати глоба од 50 евра. Ристов потсети дека пред извесно време вандалски беше оштетен и споменикот на паднатите херои од конфликтот во 2001 година во паркот Суиталк, а општината, како што рече, ги санираше штетите.
Освен спомениците, Ристов рече дека вандали во континуитет прават штети на пешачката патека, кршејќи канделабри, клупи и друг инвентар.
Ново на Сител
-
УЈП: Од 907 контроли во ноември, неправилности кај 126 даночни обврзници во однос на Законот за регистрирање готовински плаќања
-
Околу 1.000 граѓани на ЕУ се приклучија на тужбата против Фон дер Лајен за ковид-вакцините
-
Честитка од вицепремиерот Димовски по повод празникот Св. Климент Охридски
-
Честитка од Социјалистичката партија на Македонија по повод празникот Св. Климент Охридски
-
АХВ: Спроведени вонредни контроли и во кујните на приватните градинки
-
СЗО одобри револуционерен дијагностички тест за туберкулоза
-
Честитка од Мицкоски по повод празникот Свети Климент Охридски
-
Најстудено и најмногу снег на Попова Шапка