Орден за заслуги за кучето што го одбрани Обама од натрапници

Белгискиот овчар кој го одбрани поранешниот американски претседател Барак Обама од натрапници во Белата куќа е одликуван со Орден за заслуги, што го доделува британската ветеринарна добротворна организација ПДСА.

Кучето Хурикејн (Hurricane), чие име во превод значи ураган, е прво животно од странство што ја добило таа награда, која ќе биде врачена на церемонија во Лондон во октомври годинава.

Хурикејн, кој некогаш работеше за тајната служба, во октомври 2014 година ги пресретна насилниците, кои ја прескокнаа оградата на Белата куќа.

Еден од нив го удирал и шутирал кучето, но Хурикејн го соборил и влечел по земја и на тој начин им овозможил на агентите од тајната служба да го фатат. Благодарение на него, Обама, кој во тоа време бил во Белата куќа, не беше повреден.

Маршал Мирачи, кој работеше со Хурикејн, го опиша како „легенда“ на тајната служба. Тој додаде дека повредите со кои Хурикејн се здобил во инцидентот придонеле тој да се пензионира од тајната служба во 2016 година.