Општинските работници во Грција потпишаа нов колективен договор

Синдикалната федерација на општинските работници во Грција ПОЕ-ОТА вчера потпиша Специјален колективен договор според јавниот закон со Министерството за внатрешни работи, со кој се намалуваат работните часови без промена на платите.

Новиот договор, кој го заменува стариот од јули 2009 година, ги ограничува работните часови на 6,5 на ден за работниците како што се градинари, машински оператори, оние кои работат на гробишта и слично.

Со Договорот исто така се појаснуваат прашањата што се однесуваат на платените одмори.