Општина Делчево ги избра најубаво украсените дворови

- Одлучивме да ја наградиме креативноста на нашата сограѓанка Сања и со тоа да ги поттикнеме сите наши сограѓани да продолжат со оваа благородна работа, да си создадат свое катче во дворот кое не само што ќе биде нивни украс и украс на градот, туку ќе придонесат за убав тренд во Делчево. Дворот на Сања импресионираше со пропратните елементи кои со помош на нејзината сестра и со свои раце ги сработиле, како што е фонтаната со езерцето, потоа тука е летниковецот, тревникот, дворот не е голем, со еден збор сѐ е на свое место и ова е доказ дека со идеја и малку средства може многу да се направи, истакна Стојковска.

 

Општина Делчево на сопствениците на двата најубави дворови ќе додели награда во паричен износ од 10 илјади денари, а сите учесници на конкурост ќе добијат соодветни благодарници за учеството и за нивниот труд.

 

Наградите ќе се доделат на свечената седница на Совет по повод 7 септември - Денот на ослободувањето на Делчево. Општина Делчево најавува дека со поддршка на градоначалникот Горан Трајковски ,оваа акција за избор на најубаво уреден двор кој се спроведува во рамките на кампањата „Да ја поддржиме приказната на Делчево“ ќе прерасне во традиција.