Општина Битола го слави Денот на ослободувањето на градот
Општина Битола со традиционални и нови манифестации денеска ја слави 75-годишнината од денот кога во 1944 година градот беше ослободен од фашистичкиот окупатор.
Според историски податоци, градот Битола е ослободен во раните утрински часови, на 4 ноември 1944 година кога 49. македонска дивизија во која биле борците од Седмата битолската бригада, влегле во градот и со воодушевување биле пречекани од битолчани.
Во знак на почит на загинатите борци за слободна Битола, претпладнево градоначалничката Наташа Петровска ќе приреди прием на преживеани борци и членови на ОО Сојуз на борци-Битола, а потоа заедно ќе положат цвеќе пред споменикот на НОВ на плоштадот „Гоце Делчев“, пред споменикот на народниот херој Стив Наумов и пред споменикот на партизанските гробишта во Битола.
Според празничната програма, во 18 часот во културниот центар „Магаза“ ќе биде отворена ноемвриска ликовна изложба на Друштвото на ликовни уметници-Битола, а во 19 часот ќе се одржи свечена академија на која традиционално пред домашниот аудиториум и гости на градот од странство, се доделуваат највисоките општински награди и признанија на поединци и институции од градот.
Годинашен добитник на наградата за животно дело е поранешниот министер за култура, долгогодишен директор на НУ Народен театар-Битола и прв човек на национални и меѓународни манифестации и театарски фестивали, Благоја Стефановски-Баге.
Ново на Сител
-
Баба (68) „копала“ крипто валути, измамена за 215.497 денари
-
Татко ја пријавил за исчезната малолетната ќерка, таа се јавила од Косово
-
Криминалци со пиштоли влегле во фирма за брзи кредити и украле 5000 евра
-
Мицкоски иницира изготвување стратегија за државата во соработка со МАНУ, ја повика опозицијата заеднички да носат одлуки
-
Утре во Брисел нова рунда од дијалогот Белград-Приштина
-
Димитриеска-Кочоска: Растот на економијата следната година над 3,5 отсто, се темели на инвестиции
-
Мицкоски по повод 23 Октомври: Да не го губиме времето на поделби, туку да создадеме општество на можности и почит
-
Мисајловски: Со почит се сеќаваме на револуционерите, Македонија заслужува да биде развиена, прогресивна и безбедна