Општина Аеродром го усвои ребалансот на буџетот за 2022 година
– Советот на Општина Аеродром на вчерашната 15. седница го усвои ребалансот на буџетот за 2022 година, кој е креиран во насока на кратење на непродуктивните трошоци и нивна пренамена за инвестиции во развојни и капитални проекти.
Со овој чекор, како што информира Општина Аеродром, се отвори патот за реализација на голем број мерки и проекти што се од големо значење за жителите на оваа општина.
Од Општина Аеродром посочуваат дека граѓаните во наредниот период можат да очекуваат доградба на основните училишта „Блаже Конески“ и „Гоце Делчев“, нов парк од 6.000 квадратни метри, нов плоштад и уредување на целиот простор зад „Капитол мол“, изработка на проекти и изградба на две нови градинки, нови детски и спортски игралишта и економски пакет мерки за граѓаните на кои им е најпотребно, обезбедени преку скратените средства за репрезентација, патувања и други непродуктивни трошоци.
– Промените се случуваат. Аеродромци секојдневно сведочат на еден нов, економичен и рационален начин на управување со Општина Аеродром и финансиите на општината. Приоритет на администрацијата е да се изнајде начин, дури и во време на економска и енергетска криза, да се реализираат сите проекти предвидени во програмата, се вели во соопштението од Општина Аеродром.
Ново на Сител
-
Скопје: Со возило полно мигранти бегал од полиција, па удрил во бетонски столб
-
Посебен режим на сообраќај во понеделник во Скопје
-
Трагедија во Гостивар - Почина 6-годишно дете, откако му се слошило на тренинг
-
Мицкоски: Целосно се реконструира граничниот премин Деве Баир, дел од Коридорот 8
-
Царинската управа запленила 36 килограми марихуана и голема количина лекови
-
Едно лица загина во сообраќајна несреќа на патот Струмица-Валандово, кај село Костурино
-
Мицкоски: Унгарскиот претседател Орбан понудата ја даде во име на претседателствувањето со ЕУ
-
Министерство за здравство: Ќе се утврдат причините за смртта на 14-месечно бебе