-->
-->
Опериран Федерер
-->
Швајцарскиот тенисер, Роџер Федерер, во вторникот го оперирал коленото за да ја санира повредата на менискусот. Федерер, со повредата се здобил по полуфиналниот меч со Новак Ѓоковиќ на Австралијан Опен.
„Сакам да ве известам дека вчера бев опериран. Го повредив коленото ден по полуфиналето на Австралија Опен. Кога се вратив дома направив некои тестови и установив дека менискусот е скинат“, напишал Федерер на својот профил на социјалната мрежа Facebook.
Поради процесот на рехабилитација тој ќе ги пропушти АТП турнирите во Ротердам и Дубаи каде лани ја освои титулата.
„Им се извинувам на пријателите во Ротердам и Дубаи, бидејќи многу се радував што ќе настапам на тие турнири. Иако ова е несреќен чекор наназад, охрабрен сум од тоа дека операцијата мина успешно. Веднаш започнувам со процесот на рехаблитиација и напорно ќе работам што побргу да се вратам на терените“, напишал Федерер.
Освојувачот на 17 Грен слем титули, се наоѓа на третото место на АТП листата, а настапот на првиот Грен слем во сезоната го заврши со поразот во полуфиналето од Новак Ѓоковиќ.
-->
-->
-->
Ново на Сител
-
Претреси во Пробиштип и пробиштипско, пронајдена дрога и други предмети
-
Германската полиција заплени дрога со улична вредност од 20 милиони евра
-
Пред куќата на убиствата во Прилеп полицијата имала престрелка со убиецот
-
Лишени од слобода возачи во Тетово и Гостивар, управувале возила под дејство на алкохол
-
Санкционирани осум лица во струмичко поради непочитување на забраната за движење во шуми
-
Трипуновски: Рекордна цена на најзастапените сорти на грозје
-
Киев: Соборени 40 од 60 дронови со кои Русија ја нападна Украина
-
Пријавен случај на подметнување пожар во Делчево