Омикрон ја загрижи Германија, свикан состанок за здравствената политика во земјата
Германскиот канцелар Олаф Шолц и премиерите на 16. сојузни држави денеска ќе разговараат за здравствената политика во земјата, со оглед на брзото ширење на Ковид-19, а особено, на повеќе преносливиот сој – омикрон.
Се очекува лидерите да ги продолжат досегашните мерки. Засега нема индикации за наметнување построги правила или олабавување на сегашните мерки. Сепак, на низа прашања допрва треба да се даде одговор, пренесува ДПА.
Меѓудругото, од лидерите се очекува да размислат дали да го намалат времето по инфекцијата, кога се смета дека луѓето „оздравиле“ и дека со тоа се текнале со имунитет. Според научниците, овој период треба да се скрати на 90 дена наместо шест месеци.
Поединци бараат вакцинацијата да биде задолжителна, чекор што Австрија веќе го направи. Сепак, научниците се поделени по ова прашање.
Состанокот доаѓа во време кога научници предвидуваат дека ќе има стотици илјади нови инфекции секој ден во средината на февруари.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера