Охридското Езеро 16 сантиметри над минимумот

Нивото на Охридското Езеро е 16 сантиметри над дозволениот минимум, но е под просекот за април кој изнесува 42 сантиметри над минимумот, соопшти УХМР.

Оттаму информираат дека и водостоите на сите реки во Македонија се под просекот за април, а најголема разлика има Црна Река кај мерното место Новаци каде водостојот е 68 сантиметри, а вообичаениот за овој период е 164 сантиметри.