Охридска премиера на драмската презентација „Дениција“ од Петре М. Андреевски
Во Центарот за култура „Григор Прличев“ во Охрид вечер премиерно ќе биде изведена драмската презентација на историската поема „Дениција“ на великанот на македонската книжевност Петре М. Андреевски.
Станува збор за копродукциски проект на Народниот театар од Охрид и Театарот „Ici et la“ од Париз, Франција, подготвуван изминатите две години посветен на поетското творештво на Андреевски.
Проектот е осмислен како начин да се презентира и вметне „Дениција“ и поезијата на Андреевски во основите на македонскиот духовен идентитет во европски и светски рамки.
Во овој несекојдневен театарски потфат на режисерот Константин Плевнеш, кој е воедно автор на оригиналната музика, во улогата на Петре М. Андреевски настапува првенецот на Драмскиот театар од Скопје Рубенс Муратовски, улогата на Дениција ја толкува младата актерка Димитрина Мицкоска, а Саша Ефтимова од МОБ ќе ја видиме во улогата на божицата Талија. Сценографијата е на Валентин Светозарев, костимографијата е на Марија Пупучевска, видео-арт Милчо Узунов, додека уметнички советник е Флориан Габер.
Во рамките на претставата користени се и слики на Сергеј Андреевски на тема „Дениција“.
Ново на Сител
-
Едно лице загина во невремето што попладнево ја погоди Србија
-
Осуденик од затворот во Идризово ноќеска починал на Комплекс клиники „Мајка Тереза“
-
Тони Крос стави крај на кариерата
-
МЗ: Хируршките сали во Клиничкиот центар се враќаат во употреба
-
ЦУК: Околу Качаничка Клисура и Скопска Црна Гора значително нестабилна облачна маса
-
Во Кочани измамена 75-годишна жена за сума од околу 4.000 евра
-
Определен 30-дневен притвор за врховниот судија Наке Георгиев
-
Драма на автобуска постојка во Центар: Неколку лица претепале и ограбиле четири малолетници