Официјално: Чапекоенсе освојувач на „Судамерикана“

 

 

 Бразилската екипа Чапекоенсе која ја погоди огромна трагедија и официјално ќе прогласена за победник на „Копа Судамерикана“.

 

Ова го соопшти в.д. претседателот на клубот Иван Тозо.

 

- Потврдено ми е дека Чапекоенсе ќе го добие трофејот Копа Судамерикана. Исто така добив информација дека за освојување на трофејот клубот ќе добие два милиони евра. Сето тоа е потврдено, а сега останува да се договориме каде ќе биде одржана церемонијата на доделување на трофејот. Луѓето во Чапеко го сакаат фудбалот и затоа мора да продолжиме и да формираме тим за следната сезона изјави Тозо.

 

Чапеко доби загарантирано место следните три сезони во најквалитетната бразилска лига.

 

Во авионска несреќа во Меделин, Колумбија минатата седмица животот го загубија 71 лице, а меѓу нив и играчи и членови на Чапекоенсе кои патуваа да го играат првиот дуел од финалето со колумбискиот Атлетико Насионал.