Одлучил да му испрати честитка на својот татко во рајот, а одговорот кој го добил ќе ви го стопи срцето
7-годишниот Џејс пред четири години го изгубил својот татко во сообраќајна несреќа. Тој и неговата сестра се трудат да го зачуваат споменот за него секој ден, а оваа година се одлучиле да му испратат роденденска честитка.
Малечкиот Џејс на ковертот напишал: “Господине поштару, можете ли да го доставите ова до мојот татко во рајот за неговиот роденден? Ви благодарам”.
Набрзо следел и одговор од поштата, кој неговата мајка го сподедила на Фејсбук.
“Драг Џејс, додека ја доставувавме честитката, наидовме на некои проблеми. Сакаме да ја искористиме оваа прилика да ти кажеме дека успешно го доставивме писмото до твојот татко. Беше тешко бидејќи на патот до рајот моравме да избегнуваме ѕвезди и други објекти во галаксијата”, напишале тие.
“Биди сигурен дека ова важно писмо е испорачано. Нашиот приоритет е сигурно да ја доставуваме поштата на нашите корисници. Знам дека ова писмо ти е важно, ќе продолжиме да ги доставуваме твоите писма до рајот”, стои во одговорот кој го потпишал Шон Милиган, вработен во британската пошта.
Тери Копленд, мајката на детето, вели дека е неизмерно благодарна на оваа идеја.
“Не можам да опишам колку му значи тоа што неговиот татко ја добил честитката. Ја вративте мојата верба во луѓето и хуманоста. Неизмерно сме ви благодарни”, напишала Тери.
Нејзината објава станала вистински хит на социјалните мрежи, а истата е споделена повеќе од 250 илјади пати.
Ново на Сител
-
Сиљановска - Давкова од Тирана: Посериозна препрека е билатерализацијата на интегративниот процес од самите балкански соседи
-
MEF25: Енергетската транзиција е политички, економски и генерациски предизвик
-
ФПН во Белград, по анонимна и лажна дојава за бомба: Никој да не биде во зградата на факултетот на 17 јуни
-
Г7 договори нацрт-изјава за Израел и Иран, но Трамп најверојатно нема да ја потпише
-
Муцунски: Работиме на засилување на динамиката на средби со официјална Софија
-
ЕХФ му изрече двегодишна суспензија на грчки АЕК, парична казна за Алкалоид
-
При израелски напад погодена иранската државна телевизија
-
Захарова: САД ја откажаа средбата со Русија за нормализирање на работата на дипломатските мисии