Одложено рочиштето за „Пуч“
По барање на Специјалното јавно обвинителство денеска повторо е одложено судското рочиште за случајот „Пуч“, каде четвртообвинет е лидерот на СДСМ, Зоран Заев.
На денешното рочиште присуствуваа специјалната јавна обвинителка Катица Јанева и обвинителката Ленче Ристова, кои побараа судењето да биде одложено со цел тимски да направат увид во доказите.
Специјалната јавна обвинителка побара од судијата да им биде дадена посебна просторија во судот и пет работни дена за увид во доказите. Нејзиното барање беше прифатено од судијката Љубинка Башевска, која следното рочиште го закажа за 2 март.
На новинарско прашање како ја коментира одлуката за одложување на рочиштето за во март, лидерот на СДСМ Зоран Заев рече дека тоа е логично, затоа што материјалите од судот не се предадени на СЈО и тие, како што додаде, ќе мора постојано да доаѓаат до судот и да ги гледаат доказите за „Пуч“.
- Јас ја имав таа прилика уште во Јавното обвинителството кога беа доказите, заради нивната обемност, посебно заради делот којшто беше доставен од нас и логично е дека треба дополнително време за да се направи увид со постојано доаѓање на доказите во судот, а останатиот дел го оставам како потреба на самото СЈО, рече Заев.
Во случајот „Пуч“ првообвинет е Зоран Верушевски, обвинети се и неговата сопруга Соња Верушевска, Ѓорѓи Лазаревски вработен во МВР и Бранко Палифров, функционер од општина Струмица. Обвинетите се товарат за шпионажа и за насилство спрема највисоки државни органи.
Ново на Сител
-
Си пред посетата на Србија го критикуваше НАТО за бомбардирањето на Белград во 1999 година
-
ЕУ одобри шест милијарди евра за Балканот, Рама: Историски момент, кој внесува нов импулс во процесот на проширување
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња