Одбележување 110 години од смртта на Ѓорѓи Сугарев

Музејот на македонската борба денеска ја одбележува 110-годишнината од смртта на познатиот македонски револуционер, Ѓорѓи Сугарев.

Покрај потсетувањето на најзначајните моменти од животниот пат на Сугарев, посетителите ќе можат да ја видат и неговата восочна фигура која ќе биде изложена во холот на Музејот.

Дел од програмата ќе биде и проекцијата на документарниот филм за битолскиот војвода.

Одбележувањето на 110-годишнината од смртта на Сугарев е во рамки на Годишната програма за одбележување јубилејни годишнини на значајни настани и личности на Собраниетона Република Македонија.

Изложбените материјали ќе бидат поставени две недели.