Одбележани 76 години од Преспанското советување и 116 од Илинденското востание
По повод 76 години од Преспанското советување и 116 години од Илинденското востание, делегација на Општина Ресен предводена од градоначалникот Живко Гошаревски, членови на Советот, претставници на Сојузот на Борци на општина Ресен и владини функционери вечерва положија цвеќе пред спомениците на Илинденците во селото Крушје, Никола Кокарев во село Царев Двор и на Преспанското советување во Отешево.
Во обраќањето пред споменикот на Преспанското советување градоначалникот Гошаревски се осврна на неговото значење, како и за Илинденското востание и АСНОМ, кои, како што нагласи, се темелот на нашата државност врз кој денес ја градиме Република Северна Македонија како современа држава, рамноправна во меѓународните односи.
– Токму на ова место, Централниот комитет на Комунистичката партија на Македонија од 2 до 4 август 1943 ги донел клучните одлуки со кои се создале политичко-правни претпоставки за свикување на Антифашистичкото собрание на народното ослободување на Македонија – АСНОМ. Донесени биле одлуките за прераснување на партизанските одреди во воени единици, за интензивирање на изградбата на народната власт, организационо зајакнување и проширување на организациите на КПМ и Сојузот на комунистичката младина, и за усвојување платформа на Народноослободителната војска на Македонија, потсети Гошаревски.
На советувањето, додаде, учествувале членовите на ЦК на КПМ Кузман Јосифоски – Питу, Цветко Узуновски – Абас, Страхил Гигов – Андро, инструкторот на ЦК на КПЈ во Македонија, Добривое Радосавлевиќ – Орце, а подоцна се приклучил и Светозар Вукмановиќ – Темпо, делегатот на ЦК на КПЈ и на Врховниот штаб на НОВ и Партизанските одреди на Југославија во Македонија.
– Ние го имаме аманетот дека нивното дело, слободата и независноста за која се бореа и кои денес ги имаме ќе ги одржуваме, негуваме, почитуваме и развиваме за современа и модерна Република Северна Македонија, рече Гошаревски.
Ново на Сител
-
Истрага од Комисија за судир на интереси против хрватскиот претседател бидејќи ја однел сопругата на ЕУРО 2024 во Германија
-
Времето лечи се | Катерина Ангеловска | Личен Развој | Sitel Podcast 047
-
На „Табановце“ се чека околу 15 минути за влез во државата
-
Нема промена на Рамката
-
Донесени дополнувањата на Законот за енергетика со кои треба да се спречи поскапување на струјата
-
Советници на Трамп му предале план за запирање на американската воена помош на Киев доколку не разговараат за мир со Москва
-
Предлог законот за дополнување на Законот за енергетика, по скратена постапка, проследен на натамошна постапка во Собранието
-
ЕУ ја продолжи заштитата на украинските бегалци до 2026 година