Одбележани 25 години од загинувањето на војникот Петре Тодоровски

Во Кавадарци денеска беа одбележани 25 години од загинувањето  на Петре Тодоровски, кој го загуби животот како војник додека беше на стража 1991 година во Љубљана, на почетокот од распаѓањето на поранешна Југославија.

Пред неговото спомен обележје во алејата на загинатите кавадарчани од војната во деведесетите години од минатиот век, цвеќе положија најблиските од семејството, како и делегации од Локалната самоуправа  и Совет на Општина Кавадарци.

За трагичниот настан во кој загина 20 годишниот кавадарчанец, говореше Александар Малинков од Здружението на Армиски ветерани од Тиквешијата 2001.