Одбележана годишнината од историски настан во село Варварица

Со традиционалниот „Марш до Варварица“ во организација на локалната самоуправа Василево и Општинскиот одбор на Сојузот на борците од Струмица  беше одбележана 74 – годишнината од формирањето на Првиот Околиски комитет на Народно-ослободителниот младински сојуз на Македонија и Првиот Народно-ослободителен одбор за Струмица и Струмичко.

Пред спомен – плочата во селото, на која се испишани имињата на учесниците во овие историски настани цвеќе положија делегации од општина Василево и Општинскиот одбор на Сојузот на борците од Струмица.

За значењето на овие настани говореше градоначалникот на Василево, Марјан Јанев, кој истакна дека овие значајни датуми се дел од револуционерната борба кога таа земала се поголем замав, а слободата била се поблизу.