Од вторник дожд, грмотевици и пад на температурите
Денес претпладне преовладуваше сончево време, а попладне во западните делови облачноста се зголеми и преовладуваше сончево со мала до умерена облачност. Дуваше слаб до умерен ветер претежно од јужен правец.
До крајот на денешниот ден ќе се задржи сончевото време со мала до умерена облачност, а во текот на ноќта ќе биде ведро, додека во западните делови ќе има појава на умерена локална облачност. Ќе дува слаб до умерен ветер од јужен правец.
Во утрешниот ден не очекува сончево време со мала до умерена облачност. Ќе дува слаб до умерен ветер од јужен правец. Минималната температура ќе биде во интервал од 0 до 5, а максималната од 17 до 22 степени.
Во главниот град на Република Македонија утре ќе преовладува сончево време со мала до умерена облачност и со слаб до умерен југоисточен ветер. Минималната температура ќе се спушти до 4, а максималната ќе достигне до 20 степени.
Од вторник не очекува зголемување на облачноста со појава на локални врнежи од дожд, кои на места ќе бидат поројни, проследени со појава на грмежи. Од среда ќе дува умерен до засилен северозападен ветер, што ќе услови намалување на температурата. Во среда и четврток на планините врнежите ќе бидат од снег.
Ново на Сител
-
Пристигнаа првите резултати од изборите во Хрватска: ХДЗ освои 58 мандати, СДП и партнерите 44
-
Уапсен 33-годишен скопјанец, истепал полицајци во полициска станица
-
Истепан вработен на ЕВН во Глумово
-
Џафери славеше роденден, семејството го изненади со торта во Владата | ВИДЕО
-
Скопјанец ја истепал поранешната девојка и ѝ го украл накитот
-
24 годишник со „ренџ ровер“ се обидел да прегази полицајци
-
Полицајци одзеле канти со поликолор на момчиња кои пишувале графит
-
Избоден затвореник во прилепскиот затвор