Од утре почнува аплицирањето за зелена карта за САД
Сите заинтересирани граѓани од утре до 7 ноември годинава, до 18 часот, можат бесплатно да се пријавуваат на лотаријата за зелена карта за 2025 година.
Кандидатите може да се пријават на официјалната веб-страница на американскиот Стејт департмент https://dvprogram.state.gov/ , на која има целосни инструкции.
- Им препорачуваме на кандидатите да аплицираат порано и лично да ги подготват и поднесат своите пријави. Кандидатите можат да побараат помош од страна на трето лице, кое ќе ја поднесе пријавата во нивно име, но за едно лице може да има само една апликација, стои во соопштението.
Секој кандидат е одговорен за своите податоци и дали поднесените информации во пријавата се потполни и точни. Внесување на неточни или нецелосни податоци може да доведе до дисквалификување на кандидатот дури и откако е извлечен како добитник.
Без разлика дали пријавата е поднесена лично или со помош на адвокат, пријател или роднина, секој кандидат може да поднесе само една лична пријава. Поднесувањето на повеќе лични пријави ќе доведе до дисквалификување од лотаријата.
Секој кандидат треба да ја испечати и зачува потврдната страница од пријавата по пополнувањето на апликацијата за да може да ја провери. Исто така, секој кандидат треба да го зачува својот единствен број барем до 30 септември 2025 година, без разлика дали е извлечен на почетокот. Овој број е единствениот начин преку кој може да се провери дали кандидатот е избран.
Кандидатите ќе можат да проверат дали се избрани преку програмата почнувајќи од 4 мај 2024 година.
Ново на Сител
-
Тепачка во казино во Гази Баба
-
Штип: Двајца дрвокрадци фрлале дрва кога биле фатени на дело со цел да побегнат од полицијата
-
Пријавена тепачка помеѓу два малолетници на Бит Пазар
-
Дачиќ: Да не ни се држат лекции од страна, три четвртини од земјите во ЕУ сега не би го поминале тестот
-
Стејт департмент за средбата Блинкен-Нетанјаху
-
ИДФ соопштија дека двајца израелски заложници на Хамас се префрлени во Црвениот крст
-
Холандија на суд за соучесништво во воени злосторства во Газа
-
Зеленски: Ќе биде тешко да се врати Крим, а уште потешко да се врати Донбас