Од урнатините на зградата во Индија досега извлечени 20 мртви тела
Уште тела се извлечени од под урнатините на зградата во близина на главниот индиски финансиски центар Мумбаи, со што вкупниот број на загинати денеска се зголеми на 20, соопшти локалната полиција, пренесе ДПА.
Трикатната станбена зграда во густо населената населба Биванди се урна вчераутро, додека повеќето станари се уште спиеле. Проценките се, наведува ДПА, дека во време на колапсот во зградата имало повеќе од 60 станари.
-Меѓу загинатите има девет деца, изјави претставникот на локалната полиција, Малоји Шинде.
Спасувачката операција продолжуваа со помош на Националните сили за помош при катастрофи (НДРФ).
-Најмалку уште 20 лица е можно се уште да се наоѓаат заробени во урнатините, изјави официјален претставник на НДРФ, цитиран од весникот „Хиндустан Тајмс“.Локалната полиција соопшти дека зградата била стара над 35 години и имала потреба од поправки, но дека жителите не ја испразниле и покрај тоа што тоа им било побарано.
Ново на Сител
-
ЕУ ќе стационира пожарникари од 12 земји на жариштата на шумските пожари
-
Очевидци: Израелските трупи навлегле подлабоко во Рафа
-
Париз очекува да заработи над 11 милијарди евра од ОИ
-
Истражување: Половина од раселените Украинци изразиле подготвеност да се вратат во земјата
-
ЈОРСМ: Извршен увид и обезбедени траги за вештачење од местото на убиството во Стајковци
-
НАТО функционер за АНА-МПА: Северна Македонија под уставното име влезе во Алијансата
-
17-годишно момче исчезна од установа за згрижување деца во Карпош
-
OpenAI ja претстави најновата верзија на својот чатбот – ChatGPT-4o