Од починатите 193 пациенти од Ковид-19, 76 отсто имале хронични болести, најголем број се на возраст над 60 години
Согласно податоците од историјата на болеста, огромен процент од починатите од коронавирус се пациенти кои имаат претходни хронични заболувања. Според денешната статистика, од 193 починати лица, најголем дел се на возраст над 60 години, а кај 76 отсто се регистрирани бројни коморбидитети, како што се хронични болести, болести на кардиоваскуларниот систем, белите дробови и шеќерна болест.
Ова денеска на прес-конференција го истакна министерот за здравство Венко Филипче, кој рече дека во последните 24 часа се направени 841 тестирање, регистрирани 103 нови случаи, и тоа во Скопје 46, Куманово 6, Прилеп 2, Тетово 17, Струга 9, Велес 3, Битола 1, Охрид 3, Кавадарци 1, Гостивар, Струмица и Свети Николе по 1 и во Ресен 6 пациенти.
– Регистрирани се 13 оздравени пациенти и тоа во Скопје 10, Прилеп 2 и Тетово 1. Починати се пет лица, тројца од Скопје, еден од Куманово и еден од Тетово. Вкупната бројка на дијагностицирани во нашата земја од почеток на епидемијата е 4.157, оздравени 1.723, починати 193 и во моментот активни случаи 2.241. Вкупно се направени 43.881 тестирање за Ковид-19, рече Филипче.
Во однос на состојбата во болниците, потенцира министерот, во овој момент се хоспитализирани 318 пациенти. Посочи дека на Инфективната клиника се хоспитализирани 95 пациенти, од кои 37 се на кислородна поддршка, нема пациенти кои се на механичка вентилација.
– Во однос на потребата за зголемување на капацитетите, во изминатите два месеци интензивно работевме на дополнителниот капацитет, тоа е монтажната болница. Таа е целосно подготвена и е достапна за лекување на пациенти со Ковид-19. Утрово разговаравме и со директорката се направи план за ротација на лекари, лекарскиот кадар. Тоа е болница што има површина од 1.000 метри квадратни и се сместени 70-тина кревети, со тријажен центар, значи за прием за хоспитален дел, односно за хоспитализација, прием на пациенти и секако амбулантски дел, додаде Филипче.
Ново на Сител
-
Мицкоски: Тензиите околу црквата во Врапчиште се дел од обидите за дестабилизација
-
Од понеделник новите лекови на позитивната листа ќе бидат достапни за пациентите
-
Законот за заемот од Унгарија е доставен до Собранието, ќе се носи по скратена постапка
-
Јаневска најавува оптимизација на училиштата
-
Нови настани поврзани со традицијата во септември
-
Преглед на вестите од светот
-
И Муцунски оди во Софија
-
Ако ние како ЕУ не ѝ подадеме рака на С. Македонија, некој друг ќе нѐ замени