-->
-->
Од денеска пониски цени за стандарден и повторен приклучок на струја
-->
![](/sites/default/files/styles/large/public/article/teaser-images/2019/october/srhgsdr-237091.jpg?itok=SStr4-bL)
Регулаторната комисија за енергетика донесе одлука со што ги намали тарифите што корисниците ги плаќаат за стандарден и повторен приклучок на струја.
Стандардниот што до сега чинеше 500 евра во подрачјата каде што општините имаат донесено детален урбанистички план, сега ќе чини 370 евра. Но, од првиот човек на Регулаторната комисија, Марко Бислимовски, вели дека од сега нема да постои нестандарден приклучок за струја. Овој нестандарден приклучок се наплаќаше по повеќе од 2.000 евра, а причина за тоа беше дека општините немаа усвоено ДУП.
Од Регулаторна сметаат дека граѓаните не се виновни затоа што општините не донеле ДУП и затоа се укинува нестандардниот приклучок, односно сите ќе плаќаат по 370 евра без разлика на која локација се наоѓаат. Се намалува и цената за одвојување на броилата. Оваа услуга сега ќе чини 200 евра, од претходните 500 евра.
Регулаторната комисија за енергетика ја намали и цената што корисниците ќе ја плаќаат за повторен приклучок доколку биле исклучени поради неплатени сметки. Сега оваа услуга ќе чини 440 денари, а повторниот приклучок ќе се врши во најбрз можен рок. Претходно се плаќаше околу 1.700 денари за повторно приклучување да се изврши наредниот работен ден, а доколку сакаме тоа да се случи истиот работен ден, услугата надминуваше 2.000 денари.
Новите цени почнуваат да важат веднаш.
Мирјана Јовеска
-->
-->
-->
Ново на Сител
-
Земјотрес со јачина од 3,4 степени во близина на Охрид
-
Патриоти за Европа нова група во ЕП или само ново име за десничарската Идентитет и демократија
-
Папата на католичка конвенција во Трст: Демократијата во денешниот свет не е во многу добра состојба
-
Илјадници Израелци денеска протестираа на автопатот меѓу Ерусалим и Тел Авив, блокирајќи крстосници и палејќи гуми
-
Следува период на многу топло време, температурата до 40 степени
-
Грчката фрегата во Аденскиот залив интервенирала и соборила дронови
-
Русија тврди дека уништила два лансири за ракети „Патриот“ во регионот на Одеса
-
Околу 50 лица се удавија, од кои седум деца, во руските реки, езера и мориња во последните 24 часа