Очекувани победи на Цедевита и на Мега

Екипите на Цедевита и Мега Лекс кои се меѓу четирите најдобри во регионалната кошаркарска АБА лига, остварија сигурни победи во дуелите со двете последно рангирани екипи во натпреварите од 21.коло.

На средбата одиграна синоќа во Загреб, составот на Цедевита ја победи словенечката екипа Тајфун со 94:61, додека Мега Лекс како гостин славеше против црногорската Сутјеска со 73:68.

На третиот вчерашен дуел Игокеа – Цибона 68:57.

На претходно одиграните натпревари од ова коло: Металац – Будуќност 61:67, МЗТ Скопје Аеродром – Крка 69:67 и Унион Олимпија – Задар 84:76.

За вечерва е закажан натпреварот меѓу белградските ривали Партизан и Црвена Звезда.

Табела: Будуќност 19-2 (победи-порази), Цедевита 16-5, Црвена Звезда 15-5, Мега 14-7, МЗТ Скопје Аеродром 9-12, Игокеа 9-12, Цибона 9-12, Задар 9-12, Олимпија 8-13, Крка 8-13, Металац 8-13, Партизан 8-12, Сутјеска 7-14 и Тајфун 7-14.